| زجل لبناني, حفلة الكويت - زين شعيب وخليل شحرور قسم 1/5 - 436 sec
Zajal Loubnani - 7flet El-Kuwait - Zein Sha'ayeb vs. Khalel Shahroor Part (1/5)
خليل شحرور
يا ليل بالخيمه معاني جداد هات *** وع اوتار قلبي قســّم حجاز وبيات
وحتى النسر يللي ع جنح الغيم بات *** فرخ بلــش يا عشيق الكنفشات
الـ عندو كرامه ومعنويه بالحياة *** بعيش بين الناس لو بالجسم مات
بس اللي بيخسر قيمتو شو قيمتو *** لا للحياة بيصلح ولا للممات
زين شعيب
يرحم ترابك يا فرزدق يا جرير *** الـ عشتو بكرامة نفس لليوم الأخير
كنتو ان جلستو تجلسو جنب الأمير *** وما تنحنو الا لخالقنا القدير
الا انا تباريت مع دوري زغير *** وضحيّـت مجدي وقيمتي وأسمي الشهير
وين النسور الكانت بجوّي اطير *** بأرض الفنى سيفي زرعها ع العفير
الـ مثلك اذا بيموت يا شويع الفقير *** حدك ديار جهنم وبئس المصير
وأسمي اذا بيموت مثل الشرنقه *** ما بيندفن الا بكبكوبة حرير
----
رح عيدها كرمال هالجمع الغفير *** وأبعث خليل شحرور ع جهنم سفير
خليل شحرور
نادي الفرزدق مع جرير يجاوبوك *** حاجي عتاب وكنفشه مثل الديوك
ع الموتو اسمك قبل ما موّتوك *** وعن عرش مملكة المعنى نزّلوك
فيك تتبهور ع ناس بيجهلوك *** بس الدواري انك كحيل بيعرفوك
ان شبّهت حالك بالحرير وشبّهوك *** أسأل يا كبكوب الحرير الـ حيّـكوك
مرّه الحراير ع الكتاف بيلبسوك *** ومرّه بخصور الراقصات بيربطوك
معناتها بالكون قيمه ما الـك *** ما زال فيهـُن بالمصاري يشتروك
----
ودّي خليل ع جهنمك يرحم أبوك *** حتى سوا ما نظلنا بذات السلوك
Auteur : Darweesh84
Tags:Zajal Loubnani 7flet Kuwait Zaghlol El Damour Khalel Shahroor Part 1 زجل لبناني حفلة الكويت - زين شعيب وخليل شحرور قسم
 |
| زجل لبناني - 373 sec
حفلة زجل لبناني
Auteur : Almosafer101
Tags:زجل لبناني طليع حمدان زغلول الدامور ابو علي خليل الشحرور
|
| زجل لبنان - طليع حمدان - فيروز - 234 sec
صورة وهوية ودفتر وعنوان ... ومأمور يكتب والورق عطشان
بيجوز فيهن عا الحدود نجوز ... لكن ما فيهن يعملو انسان
لبنان بيصوت العدل بيفوز ... مش بالصور عا الحيط والدكان
من كتر ما صفى صور مدروز ... فزعنا علينا يهبطو الحطيان
لبنان فيروز العتطنا كنوز ... ها الجوهره إلحنيتلها التيجان
شالحه مجد الطبيعه بلوز ... ولابسه مجد السما فستان
ها القد يا فيروز ما بيجوز ... عنا تصيري بعتمة النسيان
صوتك الو التكريم ما بيعوز ... بالمتلك بيتكرمو الأوطان
يا كم زنبق بالندي مدروز ... عا لحن صوتك نسلو الخيطان
يا خبز روحي عا الطهر مخبوز ... منو طعم كون وبقي جوعان
يا صوت لو حلو عنب تموز ... يا صيف دافي يا شتي بردان
بيحبك الرمان زهر وكوز ... صوتك كأنو فقفقة رمــــــــــــــان
بحمل لأجلك مسبحة فيروز ... بتغار مني مسبحة مرجان
إنتي متل لبنان يا فيروز ... لبنان تاني منين رح يخلق
ومتلك منين بيخلق بلبنان
Auteur : Darweesh84
Tags:Zajal loubnani Tale3 Hmdan Fairouz lebanon arabic zajal music love desire زجل لبنان طليع حمدان فيروز
|
| زجل لبناني, حفلة الكويت - طليع حمدان وزغلول الدامور قسم 1/5 - 543 sec
Zajal Loubnani - 7flet Elkuwait - Tale3 Hamdan vs. Zaghlol Eldamour Part (1/5)
طليع حمدان
وينك تعا غل بخيالي يا ربيع *** وقطّف ورود الشعر من جوق الربيع
غنى خليل وكان جبار ومنيع *** وزين غنّى وسمعت قالو الجميع
زين انتهى ولازم رفيقو ينتهي *** ت ينتهي الزغلول بلـّش يا طليع
يا كويت يا أجمل سما بأحلى بدور *** ولبنان خيـّك بالمآسي والسرور
ما حكيت ع الفاضي انا غنيت السطور *** بس يا جفن الندي فوق الصخور
انت ما بدّك حكي شاعر غيور *** بدّك حكي الغرب الـ غزانا بالبحور
عم تنده وشاري يا شاري الفشور *** يندهك بونجور ت علينا يجور
لكن انا ابن البساطه والشعور *** لا البنسوار بحبها ولا البونجور
اتركني بضيعتنا بلهفات العطور *** اتركني بانتغ السواقي للزهور
وعيش بوطنا مثل م عاشو البدو *** انصب خيام ونام ع حفاف النهور
زغلول الدامور
يا مدّعي اكثر من اللازم فهيم *** بـ good morning وبونجور رأيك مش سليم
قلتلك ثياب الأجانب يا فهيم *** لا للرجال بيصلحو ولا للحريم
لبس العبي لبس السراط المستقيم *** من طهرها بيتعطّر جناح النسيم
بدو الصحاري حوّلو الصحرا نعيم *** ونحنا ببلدنا صارت الجنه جحيم
وتنحسبك انسان متحضّر كريم *** اتوكّل ع بسم الله رحمن الرحيم
وعمّر قصورك مثل ابراج الكويت *** وخلّي الخيمه رمز للجيل القديم
طليع حمدان
يا اسم بسم الله يا أشرف كلام *** بحبّك مثل صوت الأذان والسلام
ابراج الكويت بينضرب الهُن سلام *** ومعمّرين بشكل خيمه ع التمام
من خلقتي بحب الخيام ومش ملام *** الخيمه بتاريخنا لها اعلى مقام
لبنان ياما بخيمة الناطور هام *** رجّع الو الخيمه تيرجعلو السلام
ولمّا بخيمتنا المجد علينا حام *** ع الأندلس فتنا بعز وأحترام
وأسأل ليلى وقيس بردّو قوام *** مطرح م نامو بالخيام الطُهر نام
وأنت يا ملوّش على دراج الرخام *** جرحت الخيام وهِنت ليلى والغرام
واليوم صاير بعد هالكبره عجوز *** لا للقصور بتصلح ولا للخيام
زغلول الدامور
الخيمه اللي فيّــت عالفقير وعالغني *** ما قلتلك اني انا عنها بغني
وكلمة عجوز ان جيت فيها تهدّني *** عني اسأل ان بعد ما عرفتني
يا ريت تقشعني بسن الولدنه *** كم كنت كل نهار اقطف سوسنه
منّي عجوز وع العصايه منحني *** من خلقتي زغلول كنت وبعدني
ومن خبرتي وأسمي اللي عبـّى هالدني *** الحلوين عشقوني وانت غير معدني
من قلة الخبره اللي عندك يا طليع *** منّــك بتهرب بنت 16 سنه
Auteur : Darweesh84
Tags:Zajal Loubnani 7flet Elkuwait Tale3 Hamdan vs Zaghlol Eldamour Part (1/5) زجل لبناني حفلة الكويت - طليع حمدان وزغلول ال
|
| Zajal2 (زجل) - 168 sec
Zajal2 (زجل)
Auteur : gmctitanic
Tags:Zajal2 زجل Comedy Lebanon Lubnan
|
| زجل لبناني - طليع حمدان, خاتمة حفلة عين سعاده - 461 sec
1998
زجل لبناني - طليع حمدان, خاتمة حفلة عين سعاده
Auteur : Darweesh84
Tags:zajal lebanon arab music hmdan زجل لبناني - طليع حمدان خاتمة حفلة عين سعاده
|
| زجل لبناني, حفلة الكويت - الخاتمه - 477 sec
Tale3 Hamdan, Khalil Shahroor, Zein Sheayeb, Zaghlol Eldamour.
طليع حمدان
اوووف...
بـلبنان الخيمه حبـيـّت, يا كـويت الـ شعبـِك فهـمان
جـينا بهالخيـمه يا كـويت, نتـذكـر خـيمة لـبنـان..
يا كويت بلبنان الخيمه حبـيـّت, يا كـويت الـ شعبـِك فهمان
وجـيـنا بـهالخـيـمه يا كـويت نتـذكـر خـيمة لبنـان..
منـيـن بأيـدِك جـبتي بريـق, مثـلو رفـيق بلاقـي وَيـن
وَيـن بلاقي مثـلو رفـيق, بـريق بأيدِك جـبتي منيـن
خـمرين وفنجان وريـق, ان سِكـرت ما بتـفيـق العَـين
العَـيـن ان سِكــرِت ما بتـفـيـق
فنجانـين بـريـق وخـمر وخمـريـن وريـق وفــنجـان
زغلول الدامور
أمـس مشيـنا الحـب دروب, يا محـبـوب بيـكـفي هـمس
هـمـس بيكـفي يا محـبوب, دروب الحـب مشينا أمـس..
فـستانين وعـقـد وروب, بغـروب الشـمس لبستي الشـمس
الشمـس لبستـي الشمـس غــروب
عـقـدين وفـستـان وروب وروبــين وعــقـد وفسـتـان
خليل شحرور
مسكـين الطـير الـ ما غـَـط, وخـط بـدرب المغـرومين
المغـرومـين بدربو خط, ما غـط الطـير المـسكـين..
قـبطانـين وبحـر وشـط, محـط عـمـلنا للـحــلويـن
للــحــلويــن عــملنــا محـط
بحـريـن وقـبطـان وشـط وشـطـين وبـحـر وقـبــطـان
زين شعيب
فتـحـت السـوق براس الجـرد, للـورد الخـصرو ممـشـوق
للـممشـوق بخصـرو ورد, فتـحـت براس الجـرد الســوق..
شيطانـين وجـن وقـرد, ضـرب ضـربـت نـعـوج ونـوق
نـعـوج ونــوق ضــربتــن ضـرب
قــرد وشــيطـانـيـن وجـن وجـنـّيـن وقـرد وشــيطـان
طليع حمدان
بطلـّة بـدر بـتشـفى جـروح, وبـنـدر نـدر قـبـالي يـلـوح
يـلـوح قـبالي بـنـدر ندر, بطـلـّة بدر بتــشفـى جـروح..
غصنـين برمّـان وصدر, بـلـيلـة قـدر بتـهـوى الـروح
الــروح بتـهـوى بـلـيـلـة قـدر
رمّـانـيـن بـغـصن وصـدر وصـدريـن وغـصـن ورمّـان
زغلول الدامور
بـأم الـعيـن بشـوف السـعـد, دعـد ان قـالـت رايـح ويـن
ويـن ان قـالـت رايـح دعـد, السعـد بشـوف بـأم الـعـيـن..
نـيسانـيـن وزر ووعـد, بـعـد اتركـنـي هـالـيـومـيـن
هـالـيــومـيـن اتـركـنـي بعـد
زرّيـن ونـيسان ووعـد ووعـديـن وزر ونـيسان
خليل شحرور
عالميج ميج يابو الميجانا....
مطرح ما حبينا نصبنا خيامنا...
تعي يا جوانح الفرحه وخيـّـمي -- علينا بحيث علقتنا وخيمه
تحت عرزال متواضع وخيمه -- اتركونا نعيش نحنا والحباب...
طليع حمدان
حلوه الخيمه والغيمه وليل الأحلام
بثيابـِك بدل الخيمه في جوز خيام..
كنتي لعيوني زوجه مهضومه كثير
وعا شطك ياما موجي راح مشاوير
تركتيني موجه بأوجي ورحتي بكير
نام الشاطي والموجه كيف بدها تنام..
زين شعيب
ميل الخصر على الثاني يسلم هالقدّ
حرقتي دمي بشرياني وكافي هالقد
عينك لمبه شعلانه ع كراسي الخد
مثل الشمعه الشعلانه ع بلاط رخام..
زغلول الدامور
كـل ما عـن حـبي بشـرح دمعات العين
بتـجرح قـلبي وبـتفـرح مره واثـنيـن
وكـثرة ما قـلبي تـجرّح بسهام العـيــن
ما ظـل بـقـلبـي مطرح مـن دون سـهام
يـا لـيـلى حـواري جـيلـِك حـبـوكي كـثيـر
والزغــلول بيومـيـلِك كــل ما بـيـطيـر
وشـمـس الـحـزن مقابيـلِك وعـيـت بكــير
وقـفـِت بـيـن جداديـلـِك تعـمـل حـمّــام..
Auteur : Darweesh84
Tags:Tale3 Hamdan Khalil Shahroor Zein Sheayeb Zaghlol Eldamour. زجل لبناني حفلة الكويت الخاتمه
|
| زجل لبناني, طليع حمدان - قانا 1996 القسم الاول - 565 sec
المقطع الاول من القصيده الارتجاليه للشاعر طليع حمدان في مهرجان ذكرى مجزرة قانا 1996.
من تلفزيون لبنان.
Tale3 Hamdan - Cana 1996 Part 1
Auteur : Darweesh84
Tags:zajal
|
| زجل لبناني, حفلة الكويت - زين شعيب وخليل شحرور قسم 3/5 - 553 sec
Zajal Loubnani - 7flet El-Kuwait - Zein Sha'ayeb vs. Khalel Shahroor Part (3/5)
زين شعيب
بيازيد جمعتني هموم العائله *** وناديت يا زينب من الشام ارحلي
والشمر ابرص مثلك كان يختلي *** بيازيد ع ذبح الولي ابن الولي
والخمر يرقص والقناني تنتلي *** وتفضى ومعكن هند تمشي حنجله
والشعر الأباحي لا صفاتي ولا الي *** اللي عبستي بتقول للشمس انزلي
وهالمنكرات وهالقضايا المخجله *** الـ بقيو على جبينك حروف مسجله
لا تشيلهن من شعر دقنك يا خليل *** وتحطهن في دقن عمك بو علي
خليل شحرور
يا متهمني بالنقل منو الك *** لا تحط عيبك بالمحاسن والحلى
الشحرور عمرو بالمعاصي ما ابتلى *** وصابر ع جور شعيب لا حول ولا
نحنا ما عم نتهمك قبال الملا *** معروف مثل الشمس لعيب الجلا
من كثر ما امغير فساتين وحلى *** بسعر الحلى والخمر سببت الغلا
حاجي بقا تقلي بوقعة كربلا *** انك حملت الهم وحملت البلا
قدام هالناس الـ الك فيهن صله *** بقطع يميني وياكل عيوني البلا
ان كنو حدا شافك بمجلس تعزيه *** يما وقفت مره ع محراب الصلى
زين شعيب
وحق النبي الـ كفي على بابو طرَق *** 12 سنه الخمر بشفافي ما مرق
بصلي ببيتي لا جموع ولا فِرَق *** وبعد الصلى بالموهبه بعبي الورق
وبقرا مجالس تعزيه الـ ما بتنفرَق *** عن موطني اللي بنار هالحرب احترق
بغيّـر حلى بغيّـر فساتين وبرَق *** الماشي ع شرع الرب ما بيخشى الغرق
مش مثلك ببيروت فاتح مطعمين *** وعكل كرسي مصوّره بطحة عرق
----
رح عيدها والرعد بعدو ما بَرَق *** ولولا بَرَق رح شوف بو الخل انبَرَق
خليل شحرور
هديتك على درب الصلى ودرب الصيام *** شغله ما فيها لا عداوه ولا خصام
للمطعمين حاجي توجه اتهام *** حكيك دعايه للشراب وللطعام
ما في حدا مصدّق من الناس الكرام *** انك تبت او صرت بالجامع امام
حتى اذا بتحج للبيت الحرام *** تترجم الشيطان بقلّك حرام
شو نسيت صار النا سوا 70 عام *** صحبة معاصي من البدايه للختام
وشو نسيت كل ما فقت او بدّك تنام *** ارمي السلام عليك وترد السلام
ومن قد ما عندك وفا وعندك زمام *** بتجاوب الشيطان هالجوز الكلام
مش رح نقبل يخلفونا من جديد *** ولا يفرقو بيناتنا ولاد الحرام
Auteur : Darweesh84
Tags:Zajal Loubnani 7flet ElKuwait Zaghlol El Damour vs Khalel Shahroor Part (3/5) زجل لبناني حفلة الكويت - زين شعيب وخليل ش
|
| زجل لبناني - طليع حمدان, رجعتي - 156 sec
From Tele Lebanon
زجل لبناني - طليع حمدان, رجعتي
Auteur : Darweesh84
Tags: zajal lebanon arab music hamdan druze زجل لبناني طليع حمدان رجعتي
|
| زجل لبناني, حفلة الكويت - زين شعيب وخليل شحرور قسم 4/5 - 575 sec
Zein Sha'ayeb vs. Khalel Shahroor Part (4/5).
زين شعيب
أدم مع الشيطان كان لو مشكله *** وكانت بدايتها بسما الرب العلي
قلو سجدلي ما سجد والمرحله *** بقيت عداوه تا تكوّن بو علي
تلاقيت بالشيطان عم بغلي غلي *** قلّي بأمرك يا زعيم المرجله
شو مطلبك سمرا عيون مكحّلـه *** خمره, قلت أخرس انا حج وولي
اسجدلي, سجد مكتوع مثل الأرمله *** اللي بيتها من البي ولادو خلي
وبعدو لهلق لو بصرتو بالمنام *** وزرتو على وادي منى بيسجد الي
خليل شحرور
وينك يا ادم طل من جنة عُلاك *** وبين بو علي وبليس فض الأشتباك
بليس اللعين الـ كان بالأول ملاك *** زتـّك من الجنه ودها حوا ودهاك
وما كان يسجدلك عصى الله وعصاك *** ابنك اخذلك ثارك وحقق رجاك
ويا بو علي بليس اللي من الأول بلاك *** وما بتعرفو تعيشو بلاه هو ولا بلاك
بتقول طوّعتو ونشلتو من الهلاك *** ومش فارقه ان كنـّك نهيتو او نهاك
بهنـّيك ع هالمرتبة ما زال صار *** يهتم فيك بليس ويصلي وراك
زين شعيب
يا قرود فلو ويا شياطين ارجعو *** بلش خليل شحرور يصلي مدفعو
اتركلي جفن ادم قرير بمضجعو *** مش لايقه بالجورتين انوقعو
الشيطان مش ربو انا تا اقنعو *** يصلي وراي ويجمع ولادو معو
بيكفي اني مخوّفو ومفزعو *** ومن وهرتي اعتيطو الدوا اللي بينفعو
ولولا شياطين المعنى تجمّعو *** وغرورهن للحرب نداهُـن تعو
كل ما اجا شيطان مثل حكايتك *** يا بسجدّو عالبحص يما بركعو
خليل شحرور
يا زين شعيب عالمسرح بكفـّي *** بكفـّي بكل عرس تكون زفه
اذا كنـّك عسل يا سمسمه *** مع البياع ما عادت اتوفـّي
بسبعين العمر الا شويّه *** صرت يا زين وين بدّك تصفـّي
يا بتصير عالي ع الرعيـّه *** يما مثل طفل الـ بلم لفـه
كفى تقلي السيوف العنتريه *** ملكي والمعاني ملك دفــّي
انت ما عدت ورده بمزهريه *** يا شجره وهجها بلش يدفــّي
استغفر قبل ما توقع ضحيه *** بأيدين الشماته والتشفي
صرت يا كاس ع شفاف المنيــّه *** وكل شي ظل من هالكاس شَــفــّه
انا مش خايف تسيطر عليي *** ولا جايي عليك بالميدان كفــّي
جايي انصحك اعقل يا خيي *** العمر حَفه وانت ع راس حفه
وما زالك صرت بين يوم وعشيه *** بقلبك من ملاك الطهر عفــّه
وكل ما مرّت قبالك صبيه *** تغض الطرف وعيونك تغفــّي
وشياطين الشعر والشاعريه *** ما عاد بدّك على قلبك تلفــّي
ومن الخمره الـ على نفسك شهيه *** ما عاد بدّك تعبي ولا تقفــّي
وحتى توبتك رب البريــه *** يقبلها قبل ما ترصير قفــّه
صار لازم يا زين العبقريـه *** ع باب الجامع تكفي سنينك
وتحمل مسبحه وتلف لفـــّه
Auteur : Darweesh84
Tags:Zaghlol El Damour vs Khalel Shahroor Part (4/5) زجل لبناني حفلة الكويت - زين شعيب وخليل شحرور قسم 4/5
|
| زجل لبناني - عتابا, شعراء الزجل مع الفنان وديع الصافي - 358 sec
Extremely RARE Video.
Wade el Safe, Zaghlol el-Damour, Zein Sha'ayeb, Tale3 Hamdan, Edward Harb.
زجل لبناني - عتابا, شعراء الزجل مع الفنان وديع الصافي
Enjoy!
Auteur : Darweesh84
Tags: Zajal Very Rare Video Ataba lebanon arabic wade el safe tale3 hamdan zaghlol damour zein shayeb زجل لبناني عتابا شع
|
| زجل لبنان - طليع حمدان - راحت علبلاد الاجنبيه - 315 sec
Tale3 Hamdan - Rahet Alblad El-agnabeye
Auteur : Darweesh84
Tags: Tale3 Hamdan Zajal Loubnani lebanon arabic zajal music love desire زجل لبنان طليع حمدان راحت علبلاد الاجنبيه
|
| زجل لبناني, موسى زغيب وعادل خداج - القسم الثاني - 396 sec
زجل لبناني, مع الشاعرين موسى زغيب وعادل خداج. قصر وطول.
من تلفزيون NEW TV اللبناني
Zajal Loubnani - Moussa Zgheyb & Adel Khaddej Part 2
Auteur : Darweesh84
Tags:Zajal Loubnani Moussa Zgheyb Adel Khaddej شعر زجل لبنان موسى زغيب عادل خداج
|
| زجل لبناني - طليع حمدان, قصيده غزل 1 - 161 sec
From Tele Lebanon
زجل لبناني - طليع حمدان, قصيده غزل 1
Auteur : Darweesh84
Tags: zajal lebanon arab music hmdan druze زجل لبناني طليع حمدان قصيده غزل
|
| زجل لبناني, حفلة الكويت - زين شعيب وخليل شحرور قسم 5/5 - 588 sec
Zein Sha'ayeb vs. Khalel Shahroor Part (5/5)
زين شعيب
انتفض وافتح بوابك يا عريني *** السبع غضبان واللبوه حزينه
ان غضب سبع الفلا والبوش سارح *** ما بفطر غير عرق بالسمينه
نصحت الناس ما قبلو النصايح *** فتحت البنك وكسرت الخزينه
عرفت امر البشر جايي ورايح *** وحياة الناس خزنه مش أمينه
اجاني الـ بالزجل بيــّن مبارح *** اجا يقمز على عتبة سنيني
ابعثولي نسر شايب سبح قارح *** ونمر يشبك يمينو في يميني
انا بعادي الليالي وما بصالح *** اذا شكــّت بأيماني ويقيني
لأني ذرفتين الباب فاتح *** بقلبي للرواق وللسكينه
انا من كثر ما جامع وطارح *** الوحي ماشي على راسو بيجيني
وكثر ما بهالأرض بارم مطارح *** الأرض زغرت تحت دعسة هجيني
يا حامل مسبحه ولفــّه وسابح *** بفكرك من مدينه ع مدينه
بدل هالمسبحه عندي مسابح *** الشمس ع مواجهن مشيت سفينه
وبهاللفه اذا كنلك مصالح *** تع ازرعها بعاطفتي وحنيني
لأنو مقدّمه من شيخ صالح *** يا محلى هالخميره بهالعجينه
انا ما بعتبرها سيف جارح *** لأنو شعارها من شعار ديني
بس بخاف ملوك المسارح *** عليي يشتكي تاج المعنى
اذا بشيلو دقيقه عن جبيني
خليل شحرور
الشعر يا بو علي بيعرف خليلو *** خليلي وما حدا غيري خليلو
سبق بالمعرفه جيلو بمسافه *** وعلم خفـّاق بين ولاد جيلو
انا بليل التعدي والجافي *** جبل صنين ع الساحل بميلو
وبليل الحب وبليل التصافي *** الصفا من دمع عيني سل سبيلو
اسألو عنـّي البيادي والفيافي *** انا بليل الشعر للتايه دليلو
وسبيلي للعطاشى علاج شافي *** تعا يا زين اغرف من سبيلو
انا معكن ع هالمسرح خلافي *** يا جيل من الدني قرّب رحيلو
عملتو الشعر دكانة صرافه *** ما كنتو تحيـّدو ولا تستقيلو
الشعر يا بو علي وحي وظرافه *** منو بوش قلو يا زميلو
يا بحل عن ظهر الثقافه *** يا نحنا للتقاعُد رح نحيلو
التاج اللي هرب عنك مسافه *** بكفي صوب هامك تستميلو
المُـلك جمر وانت عالجمر حافي *** لا تمشي للمُـك اعتق سبيلو
على ايّا بنا تاج القوافي *** لبستو وعملت حالك وكيلو
ورصّعته بأيدك ضر صافي *** بتطلع كل حبّه نص كيلو
وجنابك لا المعري ولا الرصافي *** ولا الزاجل هديلك من هديلو
هات التاج يا زبون العوافي *** مش رح نقبل تشيلو لوحدك
عن راسك غصب بدنا نشيلو
زين شعيب
يا شحرور الشعر بدو دراسه *** وعِلِم ونخاع يصبر عالمآسي
وانت بعدك اذا بتمشي بتوقع *** وطريقك كلها جبال ورواسي
يا بو براهيم عن هالدرب ارجع *** الذياب كثار لازملك حراسه
لا عندك من مقالع زين مقلع *** ولا بتعرف قوانين السياسه
اذا بقلك اركع اليوم اركع *** اللي مثلك ما بتلبقلو الشراسه
لأنك من حَمَـل معـلوف اودَع *** هني ليــّن ما عندك طبع قاسي
يا جايي تخلع التاج المرصّع *** عن الراس الـ ع كتف الدهر راسي
انا رمايه سبحت عالبحر ضفدع *** ما فيك تحطم الرقم القياسي
واذا بتاج الأماره ما بتسمَع *** بشعّار التغزّل والحماسه
انا رح اجبرَك تسمع وتقشع *** بعينك لو كنت شايف وناسي
أمير الشعر شوقي بكل مطلع *** بأشعارو بنى عروش وكراسي
وأنا من بعد شوقي خلقت مرجَع *** أمير الموهبه وشيخ الفراسه
واذا غيري رضي للتاج يخلع *** وكسرتو المملكه بلفــّة قداسه
انا رقبة ولاد الفن بخلع *** لأنو الأرض تحت مني
واله الكون تاجي فوق راسي
Auteur : Darweesh84
Tags:Zaghlol El-Damour vs. Khalel Shahroor Part (5/5) زجل لبناني حفلة الكويت - زين شعيب وخليل شحرور قسم 5/5
|
| زجل لبناني - طليع حمدان الياس داغر القسم الثاني - 446 sec
7aflet Tele Liban - Zajal Loubnani - Talli3 Hamdan - Elias Dagher part 2
Auteur : Darweesh84
Tags:zajal lebanon arabic poet music druze شعر زجل لبنان طليع حمدان الياس داغر
|
| زجل لبناني - طليع حمدان, قصيده غزل 2 - 131 sec
From Tele Lebanon.
زجل لبناني - طليع حمدان, قصيده غزل 2
Auteur : Darweesh84
Tags: zajal lebanon arab music druze زجل لبناني طليع حمدان قصيده غزل
|
| زجل لبناني, حفلة الكويت - طليع حمدان وزغلول الدامور قسم 4/5 - 593 sec
Zajal Loubnani - 7flet Elkuwait - Tale3 Hamdan vs. Zaghlol Eldamour Part (4/5)
زغلول الدامور
يــــا أرزات الـجــبــل لا تـواخــذونــا.............اذا مـعـكــن خـطـيـنــا سـامـحـونــا
على النجمات من أعلـى رواسـي.............اطـلــعــو لا تــنــزلــو ولا تـنـزلــونــا
15 ســـنــــه الـــنــــا نــقــاســـي................مسيـحـي ومسـلـم ومـــا فـرّقـونـا
اللي سقيونا الألم من فرد كاسي................ولـيــالــي بـالـمـلاجــي نـيّـمــونــا
وكـنّـا كــل مــا انطـلـقـت قـواســه................بـــــدل مـــــا يـبـعـدونــا يـقـرّبـونــا
لأنـو صمودنـا الـشـرط الأسـاسـي..............ومــا عـاشـو الـرايـديـن يقسـمـونـا
أرض لـبـنـان يــــا أرض الـقـداســه..............يـــا أرض جـدودنــا وورثــــة أبــونــا
ضربـنـا بـحُـبّـك الـرقــم القـيـاسـي...............ومــن تـرابِـك مـــا قـــدرو يقبـعـونـا
ويا بـو شـادي بعـد خبـره ودراسـه................رح قـلّــك ع سـمــع الـمـــا زرونـــا
بكـثـر هالحـكـي وجّـعـت راســـي.............انتـبـه فــي نــاس عــم بيراقـبـونـا
ولد بعدك ع شاطي الجهل راسي............اذا عــلــيــك اتـكـلــنــا بـيـزعـبـونــا
ورح نشوفـك عنـد شـد المراسـي..............عـلــى درب الهـريـبـه يــــا أخــونــا
الـوطـن بــدو الحمـايـه والحـراسـه....................مـــن الأبـطــال يـلـلــي شـرّفـونــا
مــا بــدّو ولاد مــا عـنـدُن فـراســه.............ولا مـنـقــربــهــن ولا بـيــقــربــونــا
استـحـو يــا ولاد بكـفـي مـآســي.............مـــا عـدتــو بهـالـظـروف توافـقـونـا
ومتى ما صار في نخـوه وحماسـه............ز.رار ورودكــــــن مــــــا بـيـنـفـعـونـا
بـدنـا رجــال يستلـمـو الـكـراسـي.............ومــن العلـقـه الوخيـمـه يخلصـونـا
بـدنـا كــل صـاحـب زنـــد قـاســي.............بــدنـــا عـــــود حــتـــى يــنــوّرونــا
بــدنــا دم يُـشـعُــر بـالـحـسـاسـه..............وفـــوارس لـــو نـدهـنــا يـجـاوبـونـا
لأنـــو فـــي مـيـاديـن الـسـيـاسـه...............هـالـولاد الـلـي لعـبـو فــي وطـنــا
لهالحاله التعيسه وصّلونا
طليع حمدان
يـــا طـفــل أشــواقــي تـعـالــيّ................مـثــل جَــــدوَل عــطــر بـالـفـيّـه
ما أجملَك ع شفـاف عطشانيـن..............وترمي العطش ما أطيَـب الميّـه
زغـلـول يــا بــو جـفـون ذبلانـيـن..............مهـمـا غـمَـزِت ببـيـوت شـعـريّـه
بفـهـم أنــا وهالـنـاس فهمانـيـن.....................لا بـتـمـرُق علـيـهُـن ولا عـلـيّـي
اللـي وصّلـونـا للمشـاكـل مـيـن.............هـلـق بقـلـك مـيــن يـــا خـيّــي
البلـوه مـش مـن ولاد مختلفـيـن..................الـبــلــوِه بــزمـــان الأخـتـيــاريّــه
بالرغـم مــا شـابـو مـثـل صنّـيـن....................ظــــلــــو بـعـقــلــيّــه أنــانـــيّـــه
ورّثـوهــا لشـعـبـنـا المـسـكـيـن...................مـثــل حــقــل بــيــورَث الـحَـيّــه
كل شـي حـدث تغييـر بالتكويـن....................ظـلـت مصيـبـه مـثـل مــا هـيّـي
مـدري حَمَلـنـا عـيـون عميانـيـن....................مـدري مـا بـدنـا نقـشـع سـويّـه
شوفو اللـي كانـو مـن البدائييـن....................ذابــــو مـــــع الـتـغـيـيـر غِـنــيّــه
شوفـو العبـيـد الـيـوم مرتاحـيـن....................ومـلّــو الـدنــي رايــــات حُــريّــه
شوفو شو عملِت بالغرب برليـن.....................ولــو شعـبـهـا مـــن دون حِـنـيّـه
تـتـقـابِـل الـحـلـويـن بالـحـلـويـن....................هـــدّت جـــدار مـــن الـعـبـودِيّـه
شوفـو أوروبــا بطـلّـة التسعـيـن....................فـتـحِــت الـشـرقـيـه ع غـربـيّــه
عـيـب عليـنـا نـظـل مقسومـيـن......................ونـحـكــي بـغـربـيّـه وبـشـرقـيّـه
وشوفـو كـمـان بعـالـم التمـديـن..................شــــو تـغـيّــر قـوانـيــن دَولِــيّــه
ونحـنـا بــدل مــا نـغـيّـر قـوانـيـن......................مـنـغــيّــر كـــرافــــات يــومِــيّـــه
يــا هــل تــرى ع مـيـن متّكلـيـن....................ع الـلـي ادّعـــو بالديموقـراطـيّـه
بيـقـدّمـو عــشــره للمـسـاكـيـن...............وبـيـاكـلــو تـسـعـيــن بـالـمِــيّــه
لـك ع ميـن متّكلـيـن ع دكاكـيـن....................خـلّــوك يـــا لـبـنــان يــــا بَــيّــي
مـوزَّع مثـل ركـوه علـى فناجيـن........................قـهــوه ع نـــار الـمــوت مـغـلـيّـه
كــلــنــا بـلـبــنــان مـظـلـومــيــن......................أســـــــلام ودروز ومـسـيـحــيّــه
مــا عــاد فيـنـا كــل 10 سـنـيـن......................نعـمـل حــرب كـرمـال شخصـيّـه
من هيك يللي محاشِر السبعين.....................لا تــلــوم أصــحــاب الشـبـوبـيّـه
ت نـبـطّــل بـلـبـنـان مختـلـفـيـن...................العقليّه اللي عنـا خطـر ع الكـل
صار لازم نغيّر هيك عقليّه
Auteur : Darweesh84
Tags: Zajal Loubnani 7flet Elkuwait Tale3 Hamdan vs. Zaghlol Eldamour Part زجل لبناني حفلة الكويت طليع حمدان وزغلول ا
|
| زجل لبناني, حفلة الكويت - طليع حمدان وزغلول الدامور قسم 2/5 - 595 sec
Zajal Loubnani - 7flet Elkuwait - Tale3 Hamdan vs. Zaghlol Eldamour Part (2/5)
طليع حمدان
كنت بربيعــــك للشــــــعر دمعك تبيع ............ وحـــدي انـــــا ولا ربيعك عالسريع
والحُـب مـش بالعِلـم والفكـر الضلـيـع...........الحُـب نسمـه هــزّت الغـصـن الرفـيـع
اتركنـي بـلا خبـره بمـرج العطـر ضيـع.............الـورده بــلا خـبـره وبحبـوهـا الجمـيـع
ومن دون خبره بيسحرك طفل الرضيع.............ومن دون خبره السهل بلاقي القطيع
وهالبـنـت 16 سـنـه بقلـبـي الـوديــع..........هيـدي مثـل بنتـي مثـل زهـر الربـيـع
مزبـوط لمّـا بتقشـع جبينـي الوسـيـع...............وتوعـى برائتهـا علـى صوتـي البـديـع
مــنّـــي بــتــهــرب تـتـخــبــر امـــهـــا.............وتـقـول يــا مـامـا اجـــا عـمــو طـلـيـع
زغلول الدامور
الزهره الـبيفوح العطر من كمهـا................محرّم يا بو شادي عليك تشمها
اتركني انـا شـم الـورود وضمهـا................وبنغمتـي للـنـاس افــرج همـهـا
وانت اللي بأمرك ما عـاد يهمهـا....................وعالأرض لو وِقعِت ما فيك تلمها
وحيث البنـت بتقـول انـك عمهـا...................ومنـو مسائـد دمـك علـى دمهـا
بتخجل تقلك ما بريـدك يـا طليـع....................وتـا تقـذفـك بتحـوّلـك عــا امـهـا
طليع حمدان
اتفتّق باحساسي يا زهـر الجُلنـار.................يامـا الهـوا فاتـح بقلبـي جــل نــار
ع وردة الأم اقـذفــونــي يـــــا زرار................مـش عيبـه يتوجـه وقـاري للـوقـار
العيـبـه ببـنـت 16 يـخـوَث اخـتـيـار...............وبيفـتـكـر حـالــو ابــــن 20 صــــار
يـا نـاس انـتـو فهمـولـي هالكـبـار.................كـل حقـل وفـي الــو رشــة بــذار
كل شاطي وفـي الـو موجـه تغـار..............وكــل بـحـار والــو سفيـنـه وبـحـار
كـل غصـن وفــي الــو رفــة كـنـار................وكل جيل مع جيلو بيلعـب بالديـار
بس القهرني الشايبين والصابغين................مـــا بيلـعـبـو الا مــــع ولاد زغــــار
زغلول الدامور
يــا لـيـل عالأنـغـام فـتّــح مسـمـعـك..............حتـى علـى أجمـل قصايـد سمّـعـك
يللـي بغرامـو بعـد مـش عـم ينفعـك..............غـيـر الـلـي الــو 50 عـــام بيـنـدعـك
حـمـدان حــج تلـطـا بفـيـة اصـبـعـك.................وقصة صباغ الشعـر مـش رح تنفعـك
بين كبر عمري وصغر عمرك بقشعك................بـعــدك ولـــد جـهــلان الله يـمـزعـك
مـا اطـق مـا بـرضـى بعـمـري زغــرو..................وعـن مستـواي انــزل والـعـب مـعـك
طليع حمدان
لا تـواخـذ الزغـلـول يــا جـمـع الغفـيـر...............مين اللي نزعني غير هالشب القصير
مـن شـان تحفـظ مستـواك بهالمصيـر...................الـعـب بشعـراتـك مـثـل طـفـل زغـيــر
مـا بنصحـك تلعـب مــع النـهـر الغـزيـر................ولا تـلـيـعـب البحربيـجـيـلـك الـهــديــر
وبالـنـار لــولا لعـبـت جـمـره رح تصـيـر................وبالسيف لـولا لعبـت راسـك رح يطيـر
ما في كبير ترسمـل بأسمـو الشهيـر................وبيلعـب معـي بالشعـر وبيبقـى كبيـر
الشيـطـان اهونـلـك اذا بتلـعـب مـعــو...................بـس مـا تلعـب مـعـي بتخـسـر كثـيـر
Auteur : Darweesh84
Tags: Zajal Loubnani 7flet Elkuwait Tale3 Hamdan vs Zaghlol Eldamour Part (2/5) زجل لبناني حفلة الكويت طليع حمدان وزغلول ال
|
