قصيدة العهد مشعل الزعبي - 129 sec الزمان يدور والليل يطويه النهار
وكلّ قاسي لازم تجيه لحظات ويلين
كل شيٍ له أمد.. لو يطول الانتظار
والقلوب قلوب .. لأن البشر متقلبين
بس انا باقي علي العهد.. لوصار اللي صار
مسندك لامال حظك و ضدّتْك السنين
عادني حادي ركابي على نفس المسار
حالفٍ ما احيد عنه يسار و لا يمين
ماشيٍ فيه بقناعه، و رغبه، و اختيار ما مشيته لجل ما احوز مدح المادحين
أنظر عيوبي بعين الأسف و الانكسار
واحسب ذنوبي لانامت عيون الغافلين
وكلما ازددت ارتفاعًا عن احقاد الصغار
كلما ازددت انحناءً لرب العالمي
استمع همسات الاعجاب تملا كل دار
واكتشف نظرات الاجلال تغشي كل عين
ولا احلمت فكرى كفوف الرضا والانبهار
آخشع و اقول : يالله عونك يامعين
فان بهرني سَبك (شوقي) وعفوية (نزار)
أفتح القران و لاّ رياض الصالحين
وادرك ان الانسان ناقص ونظراته قصار
مهما علّوه المغالين و المتعصبين
والغرور اول محطه بدرب الانهيار
وللتواضع لذه يذوقها المتواضعين
وانهزامي بعض الاحيان لايعني الدمار
كل شيٍّ يحتمل وجه زين ووجه شين
ووالله ان بعض الهزايم حقيقتها انتصار
فان قست دنياي فالعاقبة للمتقين
خذت من خوفي حصانه، ومن صبري ستار
عن حلوق الشامتين، وعيون الحاقدين
ايه اخاف من الفشيله.. ومافي الخوف عار
واحد مايعرف الخوف.. ماعنده يقين
كيف أأمن ؟ واخر الدرب يا جنه يا نار
و كل انسان بما تكسب ايدينه رهين
المهم .. اناعلي العهد لو صار اللي صار
لدّ لي لامال حظك وضدّتْك السنين Auteur : mboy2020 Tags:الشاعرمشعلالزعبيبرنامجالمجلسسمادبيشعرقصيدقصايدشاعرالكويت
